Lebenslauf

 

I bi am 9. Mai 1965 in Altstätte (SG) als Zweitjüngschti vo 10 Kind gebore.


Wo i siebni gsi bi, isch die eltischt Schwöschter uszoge.


Mit Gmüesbau , em Kiosk mit dä Bruggewoog und em Marroniverkaufe i dä Wintermönat bin i zum schaffe erzoge worde. Im drügeneratione Hushalt mit ema strenga Erziehig han i e schöni Chindheit gha. Dodavo profitiera i hüt no.


Nach sechs Johr Primarschuel und zwei Johr Sek bi i is Bruefsleba igschtige.

 

Imena Tageskafi han i es Johr überbrückt, zum da reservierti Platz Im Welschland in Crans Montana aztreta. Es Kinderheim, diszipliniert gfüert vo Kloschterfraue, isch min Arbeitgeber gsi. Vom Säugling bis zum Teenager isch vo mir betreut worda.


Dänn isch mini zwei Johr Lehr in Altstätte bi ZUBI Spielwaren- und Bastelshop e gueti Usgangslag gsi, zum e Familie gründe.


I bi im Früehlig 1984 noch Krüzlinge cho.


1985 isch dä erschti Sohn gebore und 1988 isch da zweiti Sohn uf d Welt cho.


Dä Wiederistig is Bruefsleba han i mit em Areneberg (92/93 Winterkurs) gmacht.


Mini Tätigkeit bi dä Spitex und als persönlichi Assistentin über acht Johr , hät mi jeda Tag usegforderet.


Dä Umgang mit Lüt isch mir wichtig.


Über vier Johr wohn i jetzt in Mure.
Dank dera Umgebig und gegesitigem Respekt bin ich hüt do.


Sit Ende 2004 helf i ganz uf dem Burehof mit und setze mich no intensiver für da Thurgau i. I ha politische Kontakt knüpft und scho mit einige zäme gwirkt.

Tabellarischer Lebenslauf